Exodus 18
Moses kiangah Jethro Hawh
1Tu-in Moses sungpa, Midiante siampipa Jethro in, Pasian in Moses le a mipihte ading a sepna teng le TOPA in Egypt panin Israel-te bangci paikhiatpih cih a na za hi. 2 Moses in a zi Zipporah sawla a paisak nungin a sungpa Jethro in amah 3le a tapa nihte a na kem hi. Moses in, “Gamdang ah pemta ka suak hi,” a cihna in a tapa khat min Gershon ▼▼18.3 Gershon pen Hebrew ah tua lai-ah pemta khatincihna tawh a aw kibang
phuak-a, 4“Ka pa’ Pasian kei hong huhpa ahi hi; amah in Pharaoh’ namsau panin hong hon hi,” a cihna in a khat pen min Eliezer ▼▼18.4 Eliezer pen ka Pasian huhpa hi
a phuak hi. c 5 Moses sungpa Jethro, Moses zi le a tapate tawh, Pasian mual kianga a giahphual satna uh ah a pai uh hi. 6Jethro in ama kiangah kam vaikhak a, “Keimah na sungpa Jethro na zi le a tate nih tawh kong pai hi,” a ci hi. 7 Tua ciangin Moses a sungpa tawh kimu dingin paikhia-a, kunin amah a nam hi. Amaute khat le khat kihopih uh a, tua ciangin puanbuk sungah a lut uh hi. 8Moses in a sungpa kiangah, TOPA in Israel-te a cihna-a Pharaoh le Egypt-te tunga a bawlna teng le a lampi tawntung-ua amaute tuah haksatna khempeuh le TOPA in amaute a hotkhiatna thute a gen hi. d 9 TOPA in Egypt-te khut sung panin Israel-te hukhia-a, amau ading na hoih tampi a sepsaknate Jethro in a zak ciangin a lungdam hi. 10Amah in, “Egypt-te le Pharaoh khut pana nang hong hukhiapa le Egypt-te khut pana mipite a hukhiapa, TOPA kiphat ta hen. 11Israel-te tunga a ki-uangsakte tungah hih banga a sem pasian dang khempeuh sangin TOPA a liatzawk lam tu-in ka thei hi,” a ci hi. 12Tua ciangin Moses sungpa Jethro in Pasian tungah meihal biakna le biakpiakna dangte pia-a, Moses sungpa tawh anlum ne khawm dingin Aaron le Israel upate khempeuh Pasian mai-ah a pai uh hi. e 13 A zing ciangin mipite thukhen-in Moses a tutphah ah tu-a, amaute zingsanga kipan nitak dong a kimkotah a ding uh hi. 14Moses in mipite ading a sepna khempeuh a sungpa in a muh ciangin, “Mipite ading nasep hih bang ahi hiam? Bang hanga hih mipite khempeuh zingsanga kipan nitak dong na kimah dingsaka, nang kia bek thukhena tu na hi hiam?” a ci hi. 15 Moses in, “Bang hang hiam cih leh Pasian deihna zongin ka kiangah mipite hong pai uh hi. 16Kisiatna khatpeuh a neih uh ciangin a thu uh kei kiangah hong tun uh a, alang tuakah thu khensakin Pasian thukip le thukhamte ka zasak hi,” ci-in a dawng hi. f 17 Moses sungpa in, “Tu-a na hih zia hoih lo hi. 18Nang le na kianga hong pai mite na gim lua ding uh hi. Nang adingin nasep haksa lua hi; nang guakin na len zo kei ding hi. 19Tu-in ka thugen na ngai inla, ngaihsutna pawlkhat kong pia ding hi, Pasian in nang hong ompih ta hen. Nang pen Pasian mai-ah mipite tang na hi dinga, amaute kisiatnate ama tungah na puak ding hi. 20Amaute, thukham le thukipte hilh inla, amau hih ding tavuan le a nuntakna zia ding uh hilh in. 21Ahi zongin mipi khempeuh panin mi kizen - Pasian a zahtak, a muanhuai, thumaan lo-a ngahna a mudah mi - tengkhia inla a tultul, a zaza, a sawmnganga le a sawmsawm ukin koih in. 22Hun khempeuhah amaute, mipite thu khensak-in, ahi hangin thu haksa peuhmah nang kiangah na tunsak ding hi; a baih thute amaute mah in khenpah ding uh hi. Tua in na van hong zangsak tuam ding hi, bang hang hiam cih leh amaute in hong dawn ding uh hi. 23Hici-in na sepa, Pasian in thu hong piak leh na sem suak zo dinga, hih mipite khempeuh lah lungkimin innah a ciah ding uh hi,” ci-in a dawng kik hi. 24 Moses in a sungpa thu mangin a gen khempeuh a hih hi. 25Amah in Israel khempeuh lak pan a kizen mi telkhia-a, a tultul, a zaza, a sawmnga nga le a sawmsawmte tungah ulianin a koih hi. 26Hun khempeuhin amaute in mipite thu a khen uh hi. Amaute in thuhaksate Moses tungah puak uh a, ahi zongin a baihte amau mah in a khen uh hi. g 27 Tua ciangin Moses in a sungpa kha-a, a gamah Jethro ciah hi.
Copyright information for
ZomZIV